Արդեն հայտնի են ՊՍԺ-ի տրանսֆերային թիրախները

Ամռանը «Պարի Սեն Ժերմենը» մտադիր է ձեռք բերել դարպասապահի, ձախ պաշտպանի, հենակետային կիսապաշտպանի և հարձակվողի։ Բացի դրանից փարիզյան ակումբը կփոխի գլխավոր մարզչին։ Այս մասին հաղորդում Telefoot-ը։

Դարպասապահներից ՊՍԺ-ն ուշադրություն է դարձնում Տիբո Կուրտուային, Դավիդ Դե Խեային և Ջանլուիջի Դոննարումային։

Փարիզցիներին հետաքրքրում են հենակետայիններ Նգոլո Կանտեն և Ֆաբիանոն։ Ձախ պաշտպաններից միայն մեկին են գերադասում՝ Ալեքս Սանդրոյին։

Ինչ վերաբերում է հարձակվողներին, ապա ակումբից Էդինսոն Կավանիի հեռանալու դեպքում ՊՍԺ-ն կփորձի ձեռք բերել Ռոբերտ Լևանդովսկուն։

ՊՍԺ-ն թիմի նոր գլխավոր մարզչի պաշտոնում դիտարկում է Անտոնիո Կոնտեին և Լուիս Էնրիկեին։

Տաթեվիկ Գաբրիելյան