«Ռոմայի» և Հայաստանի ազգային հավաքականի կիսապաշտպան Հենրիխ Մխիթարյանը չի ցանկանում վերադառնալ «Արսենալ»՝ հույս ունենալով երկարաձգել իր պայամանագիրը «Ռոմայի» հետ:

Հիշեցնենք, որ հռոմեական ակումբն այս մրցաշրջանի համար Մխիթարյանին վարձակալել էր «Զինագործներից»: Հենրիխը երկար ժամանակ ծախսեց վնասվածքներից ապաքինման վրա, բայց միևնույն ժամանակ նա բոլոր մրցաշարերում «Ռոմայի» կազմում հասցրել է անցկացնել 17 հանդիպում՝ դառնալով 6 գոլի և 4 գոլային փոխանցման հեղինակ: 31-ամյա հայ կիսապաշտպանը, որի պայմանագիրը «Արսենալի» հետ ավարտվում է հաջորդ տարի, հասցրեց անել հնարավոր ամեն բան, որպեսզի «Ռոման» իր հերթին ցանկանա պահպանել նրան իր կազմում: Ֆուտբոլիստն ինքն էլ է ցանկանում նույնը, սակայն կորոնավիրուսի համաճարակի պատճառով երկու ակումբների միջև բանակցությունները ձգձգվում են.